سکھر (نمائندہ جسارت) جماعت اسلامی کی جانب سے ممبر سازی مہم بھرپور طور پر جاری ہے، اس سلسلے میں امیر ضلع مولانا حزب اللہ جکھرو، امیر شہر سکھرزبیر حفیظ شیخ کی قیادت میں کارکنان نے شہر بھر کے بازاروں تجارتی مراکز پہنچ کر دکانداروں ٹھیلے خوانچہ والوں ریڑھی بانوں سمیت راہگیروں کو جماعت اسلامی کی دعوت پر مشتمل ہینڈبلز، پمفلٹس تقسیم کیے اور انہیں جماعت اسلامی کا ساتھ دینے کے لیے ضرورت سے آگاہ کرتے ممبر سازی کی گئی۔ علاوہ ازیں ممبر سازی رابطہ عوام مہم کے سلسلے میں چوک گھنٹہ گھر پر ممبر سازی کیمپ لگایا گیا جہاں مولانا حزب اللہ جکھروزبیر حفیظ شیخ سمیت کارکنان ارکان کی بڑی تعداد موجود تھی۔
