پریشانیوں سے نجات کیلیے اللہ کی بارگاہ میں آنا ہوگا، عمران عطاری

کراچی(پ ر) دعوت اسلامی کی مرکزی مجلس شوریٰ کے نگران مولانا محمد عمران عطاری نے کہا ہے کہ پیارے آقا ﷺ اپنی امت سے بے پناہ محبت فرماتے ہیں،آپ ﷺ نے اپنی امت کو پریشانیوں سے بچانے کے لیے بہت سارے ارشادات فرمائے ہیں، جن میں آپ ﷺ ہمیں جہنم کی آگ اورقبر کے عذاب سے بچانا چاہتے ہیں، یاد رکھیں کہ عذاب قبر حق ہے، پیارے آقا ﷺ نے ہمیں عذاب قبر سے پناہ مانگنے کا حکم فرمایا ہے،ہم عذاب قبر سے اللہ پاک کی پناہ مانگتے ہیں۔عالمی مدنی مرکز فیضان مدینہ کراچی سے جاری پریس بیان کے مطابق ان خیالات کا اظہار انہوں نے ملتان میں واقع شام لاٹ گراؤنڈ میں ہونے والے عظیم الشان سنتوں بھرے اجتماع میں بیان کرتے ہوئے کیا۔