سرگودھا(این این آئی) آتشیں اسلحہ سے مسلح موٹر سائیکل سواروں نے فائرنگ کر کے نوجوان کو قتل کر دیا اور فرار ہو گے۔ ڈی پی او نے واقعہ کا نوٹس لیتے ہوئے رپورٹ طلب کر لی اور ملزمان کی فوری گرفتاری کا حکم دے دیا۔زرائع کے مطابق سرگودھا ریجن کے علاقہ خوشاب میں کدھی کے موضع ٹبہ قائم دین میں آتشیں اسحلہ سے مسلح افراد نے فائرنگ کر کے نوجوان احد خلیل کو شدید زخمی کر دیا اور فرار ہو گے۔جس میں شدید زخمی کو ریسکیو کر کے ہسپتال منتقل کر دیا گیا اور مقتول کے بھائی داؤد سلمان کی رپورٹ پر پولیس مصروف تفتیش ہے۔جس نے تھانہ سٹی جوہرآباد پولیس کو بتایا کہ اس کے بھائی احد خلیل کو موٹر سائیکل سوار مسلح افراد نے فائرنگ کر کے شدید زخمی کر دیا جس کوہسپتال منتقل کیا گیا لیکن وہ زخموں کی تاب نہ لاتے ہوئے دم توڑگیا۔اس واقعہ کا ڈی پی او خوشاب توقیر محمد نعیم نے نوٹس لیتے ہوئے ڈی ا یس پی صدر سے رپورٹ طلب کر لی جو نفری کے ہمراہ موقع پر پہنچ گے اور واقعہ کی تمام زاویوں سے تحقیق کی جا رہی ہے اور ملزمان کی گرفتاری کے لیے ناکہ بندی کرتے ہوئے پولیس مصروف تفتیش ہے۔دوسری جانب سرگودھا کا 14 سالہ طالب علم ملتان پہنچ گیا جس کو چائلڈ پروٹیکشن اینڈ ویلفیئر کی حفاظت میں لیکر اس کے ورثا کی تلاش شروع کر دی گئی۔ذرائع کے مطابق سرگودھا کے نواح سے تعلق رکھنے والا 14 سالہ طالب علم عبدالرحمن ملتان پہنچ گیا جہاں اسے چائلڈ پروٹیکشن اینڈ ویلفیئر بیورو کی حفاظت میں دے کر اس کے لواحقین کی تلاش شروع کر دی گئی جس کا بتانا ہے کہ اس کا نام عبدالرحمن قوم جٹ اور گاؤں دھوپ سڑی ملکوال سرگودھا نزدیک تھانہ سجیل بھیرہ میانی ہے جس کو ریلوے اسٹیشن میاں دا بنہ لگتا ہے اور والد محمد ممتاز وفات پا گیا ہوا ہے اور ماں کا نام کوثر چچا کا نام ریاض ہے جو اپنے گھر سے بھاگ کر ملتان پہنچا ہے۔
