کراچی (مانیٹرنگ ڈیسک) کراچی کے تمام سرکاری کالجوں کے پرنسپلز کے لیے کلاسز لینا لازمی قراردے دیا گیا۔ سیکرٹری کالجز نے ڈی جی کالجز کو ہدایت جاری کردی۔سیکرٹری کالجز آصف اکرام کے مطابق 19 اور 20 گریڈ کے پروفیسرز کالجز پرنسپلز بننے کے بعد کلاسیں نہیں لیتے، پروفیسرز پرنسپل تعینات ہونے کے بعد کالجوں میں کلاسیں لیں۔ان کاکہنا تھا کہ پرنسپلز کے کالجوں میں کلاسز لینے سے اچھی مثال قائم ہوگی، پروفیسر جب پرنسپل تعینات ہوتے ہیں تو اپنے سبجیکٹ کی کلاسیں نہیں لیتے ، ڈی جی کالجز تمام پرنسپلز کو ہدایت پر عمل درآمد کرائیں۔
