اسکواش چیمپئن شپ: پاکستان کا پہلے راؤنڈ میں جیت کیساتھ شاندار آغاز

کراچی (اسپورٹس رپورٹر) امریکی ریاست ورجینیا میں شروع ہونے والی شارلٹس ول اوپن اسکواش چیمپئن شپ 2024 میں پاکستان نے پہلے راؤنڈ میں کامیابی کے ساتھ شاندار آغاز کیا۔ پاکستانی کھلاڑی عشب عرفان نے گوئٹے مالا کے ایلیجاندرو اینرکس کو 3۔ 0 سے شکست دے کر اگلے راؤنڈ میں جگہ بنائی، عشب کی جیت کا اسکور 11-6، 12-10، اور 11-4 رہا جس کے ساتھ انہوں نے ٹاپ ٹیئر ٹورنامنٹ میں اپنا پہلا میچ بھی جیتا۔ عشب عرفان مصر کے ابراہیم الکابانی کا سامنا کریں گے۔ شارلٹس ول اوپن کی مجموعی انعامی رقم 28 ہزار 750 ڈالرز ہے جب کہ ایونٹ میں دنیا کے ٹاپ لیول کے پلیئرز شریک ہیں۔