کراچی(اسٹاف رپورٹر)کراچی پریس کلب کے صدر سعید سربازی ، سیکرٹری شعیب احمد اور مجلس عاملہ نے ممبر کراچی پریس کلب اور سینئر رپورٹر روزنامہ جسارت منیر عقیل انصاری کی والدہ محترمہ کے انتقال پر گہرے رنج و غم کا اظہار کیا ہے۔منگل کو کراچی پریس کلب سے جاری اپنے تعزیتی بیان میں کراچی پریس کلب کے عہدیداروں نے کہا کہ غم کی اس گھڑی میں ہم منیر عقیل انصاری کے دکھ میں برابر کے شریک ہیں۔انہوں نے دعا کی کہ اللہ پاک مرحومہ کو اپنے جوار رحمت میں اعلی مقام اور لواحقین کو صبر جمیل عطا فرمائے۔
