سکھر (نمائندہ جسارت) پولیس کی کارروائی، بڑی تعداد میں شراب کی بوتلیں برآمد کر کے قبضے میں کر لی گئیں۔ ترجمان پولیس کے مطابق تھانہ بی سیکشن پولیس نے خفیہ اطلاع پر محمدی چوک کے قریب کارروائی کرتے ہوئے شراب کی 48 عدد بوتلیں برآمد کر لیں، جبکہ ملزمان موٹر سائیکل چھوڑ کر فرار ہونے میں کامیاب ہوگئے، ملزمان کی گرفتاری کے لیے چھاپے مارے جا رہے ہیں۔ ایس ایس پی سکھر امجد احمد شیخ نے پولیس پارٹی کی بہترین کارروائی پر شاباش کا پیغام سمیت مزید کارروائیاں تیز کرنے کے احکامات جاری کیے ہیں۔
