کراچی (اسپورٹس رپورٹر)پاکستان کے اسجد اقبال آئی بی ایس ایف 6 ریڈ ورلڈ ا سنوکر چیمپئن شپ کے کوارٹر فائنل میں پہنچ گئے ۔ گزشتہ روز پاکستان بلیئر اینڈ ا سنوکر ایسوسی ایشن کی جانب سے جاری تفصیلات کے مطابق منگولیا کے شہراولانبتار میں کھیلے گئے پری کوارٹر میں پاکستان کے اسجد اقبال نے منگولیا کے لکھاگواسورین تمورچدور کو 5-3(73-0، 08-56، 02-54، 57-18، 34-21، 44-0، 05-55، 36-04)سے شکست دے کر کوارٹر فائنل کے لئے کوالیفائی کر لیا ۔ایران کے سیاووش موزائیانی نے پاکستان کے اویس منیر کو 5-1(59(58)-0، 31-15، 45-20، 14-39، 65(65)-0، 42-13)سے ہرا دیا۔ کوارٹر فائنل مقابلے آج جبکہ سیمی فائنل کل کھیلا جائے گا ۔
