سکھر (نمائندہ جسارت) پولیس کا منشیات فروشوں، جرائم پیشہ افراد، روپوش اور اشتہاریوں کے خلاف کریک ڈاؤن، 5 ملزمان کو گرفتار کر لیا۔ ترجمان پولیس کے مطابق تھانہ ای سیکشن پولیس نے حدود میں کامیاب کارروائی کرتے سنگین جرائم میں ملوث روپوش ملزم توقیر احمد گھانگھرو کو گرفتار کر لیا جو چوری، ڈکیتی سمیت دیگر سنگین جرائم کیس میں پولیس کو مطلوب و روپوش تھا، تھانہ ائرپورٹ پولیس نے دوران اسنیپ چیکنگ بچل شاہ کے قریب کارروائی میں منشیات فروش ملزم رانا سومرو کو گرفتار کر کے قبضے سے 2000 گرام چرس برآمد کی، ملزم کے خلاف انسداد منشیات ایکٹ کے تحت مقدمہ درج کر لیا گیا۔ علاوہ ازیں تھانہ ای سیکشن پولیس نے کارروائی میں سنگین کیس میں پولیس کو مطلوب و روپوش ملزم زین العابدین نصیرانی اور ملزم دلاور ڈومکی قبضے سے 1220 گرام چرس برآمد کر کے گرفتار کر لیا، ایک اور کارروائی میں تھانہ سی سیکشن پولیس نے روپوش ملزم ندیم سولنگی کو گرفتار کر لیا جو سنگین کیس میں پولیس کو مطلوب و روپوش تھا، تھانہ نیو پنڈ پولیس نے روپوش ملزم ملزم شہزاد مبین کو اور ایک ملزم خیر محمد شیخ کو گرفتار کر کے کے قبضے سے 1050 گرام چرس برآمد کر لی، تھانہ آباد پولیس نے اسنیپ چیکنگ کارروائی میں سنگین کیس میں پولیس کو مطلوب ملزم ارشد بلیدی کو گرفتار کر لیا۔
