آگ سے بچائو کی تجارتی نمائش’’انٹر سیک ‘‘ سعودی عرب میں ہوگی

کراچی(کامرس رپورٹر) حفاظتی، سیکیورٹی اور آگ سے بچائو کیلئے اشیاء کی سب سے بڑی تجارتی نمائش”انٹر سیک سعودی عرب 2024 ” یکم اکتوبر سے3اکتوبر تک سعودی عرب میں منعقد ہوگی۔ تین پاکستانی کمپنیاں کی انٹر سیکیورٹی نمائش میں جدید مصنوعات کی نمائش کریں گی۔انٹر سیکیورٹی سعودی عرب، جو کہ حفاظتی، سیکیورٹی اور آگ کی حفاظت کے لیے سب سے بڑی تجارتی نمائش ہے جو اپنی چھٹے ایڈیشن کے ساتھ ریاض بین الاقوامی کنونشن اور نمائش مرکز (RICEC) میں ہوگی۔اس سال کے ایونٹ میں 27 ممالک سے 350 سے زیادہ نمائش کنندگان شامل ہوں گے، جن میں چین، چیک جمہوریہ، فرانس اور برطانیہ کے پویلین بھی شامل ہیں۔ 17,000 سے زیادہ وزیٹرز کی توقع کی جا رہی ہے، جس سے انٹر سیکیورٹی سعودی عرب کا یہ ایڈیشن اب تک کا سب سے بڑا ہوگا۔پاکستان کی تین کمپنیاں ماسٹر ٹیکسٹائل ملز، فاروق گارمنٹس، اور نیشنل الیکٹرونکس کمپلیکس آف پاکستان (NECOP) اپنی جدید مصنوعات کی نمائش کریں گی، جو عالمی خریداروں کو متوجہ کریں گی ۔