بیجنگ: ایشین ہاکی چیمپئنز ٹرافی میں پاکستان نے 8 برس کے بعد کانسی کا تمغہ حاصل کرلیا۔
پاکستان کی جانب سے جنوبی کوریا کو تیسری پوزیشن کے اہم میچ میں شکست سے دوچار کیا گیا، جس سے پاکستان کو کانسی کا تمغہ ملا جو پاکستان نے 8 سال کے بعد حاصل کیا ہے۔
قومی ٹیم کی جانب سے جنوبی کوریا کو 5 وکٹوں سے شکست دی گئی۔ پاکستان کے سفیان خان اور حنان شاند نے 2، 2 گول کیے جب کہ رومان خان نے جنوبی کوریا کے خلاف ایک گول کیا۔ سفیان خان کو 2 گول کرنے پر پلیئر آف دی میچ کا اعزاز ملا،
یاد رہے کہ ایشین ہاکی چیمپئنز ٹرافی کے سیمی فائنل میں پاکستان کو میزبان چین کے ہاتھوں شکست کا سامنا کرنا پڑا تھا۔ چین نے پنالٹی شاٹس پر پاکستان کو 2-0 سے شکست دی تھی۔
