سکھر(آئی این پی )آئی بی اے سے میرٹ ٹیسٹ پاس ویٹنگ امیدوار ڈسٹرکٹ سکھر کے زیر اہتمام امیدواروں کی بڑی تعداد نے سکھر پریس کلب کے سامنے احتجاجی مظاہرہ کیااور مطالبات کے حق میں نعرے بازی کی۔ مظاہرے میں شامل امیدواروں محمد رمضان گبول،محسن علی سومرو، محفوظ میمن،ماجد علی و دیگر امیدواروں کا کہنا تھا کہ PST/JEST کی اصل سیٹیں ظاہر کی جائیں ، ہمیں آفر آرڈرز دیے جائیں ،2021ء سے ہم آفر آرڈر سے محروم زندگی بسر کررہے ہیں اور ذہنی اذیت اور پریشانی کے شکار ہیں۔انہوں نے کہاکہ ویٹنگ امیدواروں کا مزید معاشی قتل بند کر کے بے چینی ختم کی جائے۔انہوںنے مزیدکہا کہ سندھ ہائی کورٹ جسٹس صلاح الدین کے فیصلے پر عمل کیا جائیتاکہ سندھ کا تعلیمی نظام بھی بہترسے بہتر ہو سکے ۔
