قومی اسمبلی میں پی ٹی وی پر بھی پابندی عاید

اسلام آباد(مانیٹرنگ ڈیسک )قومی اسمبلی میں آئینی ترمیمی بل پیش کرنے کے معاملے پر ایوان کے اندر کی کارروائی کے دوران سرکاری میڈیا (پی ٹی وی) کی کوریج پر بھی پابندی عاید کردی گئی۔ سیکورٹی ذرائع کے مطابق سرکاری ٹی وی کے کیمروں کو بھی ایوان میں آنے کی اجازت نہیں ہوگی، حکام کی طرف سے آرڈر ہے آج سرکاری میڈیا کو بھی کوریج کی اجازت نہیں ہے۔سیکورٹی ذرائع کے دعوے کے برعکس عام طور پر پارلیمنٹ کے اجلاس میں ایوان کے اندر کی کارروائی کی کوریج کی اجازت صرف سرکاری ٹی وی کیمروں کو ہوتی ہے۔