سکھر (نمائندہ جسارت) سنگدل باپ طالب شر نے اکلوتے شیر خوار ڈیڑھ سالہ بیٹے ابراہیم کو کھیر تھر کینال میں پھینک دیا، وہاں سے گزرنے والے آئی بی اے یونیورسٹی کے ملازمین فرمان پیرزادہ، محمد اسماعیل و دیگر نے بچے کو بچا کر قریبی اسپتال منتقل کیا، جہاں ڈاکٹروں نے بچے کے پیٹ سے پانی نکال کر بچا لیا، تھانہ آباد پولیس نے ملزم کو گرفتار کر لیا جس کا کہنا تھا کہ مشکلات و پریشانیوں کی وجہ سے یہ قدم اُٹھایا ہے، پولیس کے مطابق ملزم کا ذہنی توازن درست نہیں لگ رہا، مزید تفتیش کی جا رہی ہے۔
