دادو: ٹریفک حادثے میں جج کے محافظ 2پولیس اہلکار جاںبحق

دادو( مانیٹرنگ ڈیسک)صوبہ سندھ کے ضلع دادو میں ہائی کورٹ کے جج کی حفاظت کی مامور پولیس موبائل ٹریفک حادثے کا شکارہو گئی جس کے نتیجے میں 2 اہلکار جاں بحق
اور 3 زخمی ہوگئے۔ایس ایس پی دادو کیپٹن ریٹائرڈ امیر سعود مگسی کے مطابق ضلع دادو میں پولیس اسٹیشن خدا آباد کی حدود میں رات گئے پولیس موبائل ہائی وے پر ٹریفک حادثے کا شکار ہو گئی۔ انہوں نے کہا کہ ہائی کورٹ کے جج جسٹس خادم حسین سومرو کی حفاظت کے دوران پولیس موبائل کو حادثہ پیش آیا اور وہ درخت سے ٹکرا گئی جس کے نتیجے میں دو پولیس کانسٹیبل شہید ہو گئے۔ان کا کہنا تھا کہ شہید اہلکاروں کی شناخت روشن علی دیپر اور سائیں رکھیو کے نام سے ہوئی ہے جبکہ حادثے میں اے ایس آئی لال بخش سولنگی، پولیس کانسٹیبل حشمت گادھی اور ایاز کولاچی زخمی ہوئے جنہیںاسپتال منتقل کردیا گیا ہے۔