لاڑکانہ (نمائندہ جسارت) تھانہ بقاپور کی حدود ڈھڈھرا پل والے علاقے میں گشت پر معمور پولیس اور واردات کی نیت سے کھڑے ڈاکوؤں کا آمنا سامنا۔ دونوں اطراف فائرنگ کے تبادلے میں ایک ڈاکو زخمی حالت میں گرفتار، اسلحہ برآمد، زخمی حالت میں گرفتار ڈاکو کی شناخت وارث ولد بقا محمد جکھرانی رہائشی گڑھی خیرو ضلع جیکب آباد کے طور پر ہوئی، زخمی ڈاکو کا مزید کرمنل ریکارڈ چیک کیا جا رہا ہے، مذکورہ علاقے میں سرچ آپریشن کے ذریعے فرار ملزمان کی تلاش جاری ہے۔
