اسلام آباد(آن لائن)قومی اسمبلی کے قواعد و ضوابط اور کارروائی کے طریق کار تحریک کی تناظر میں دی جانے والی خصوصی کمیٹی کا اہم اجلاس ہوا، اجلاس میں خورشید شاہ کاخصوصی کمیٹی کا چئیرمین منتخب کر لیا گیا۔کمیٹی پارلیمان، اراکین پارلیمنٹ اور قومی اسمبلی کی کارروائی کو موثر طریقے سے چلانے سے متعلق امور کو زیر غور لا کر سفارشات مرتب کرے گی۔ اجلاس میں نائب وزیراعظم سینیٹر اسحاق ڈار، خواجہ محمد آصف، امین الحق، چودھری سالک حسین، عبدالعلیم خان شریک ہوئے۔اراکین قومی اسمبلی سید نوید قمر، محمد اعجاز الحق، خالد حسین مگسی، شاہدہ اختر علی، مسٹر پولین، صاحبزادہ حامد رضا، گوہر علی خان، محمود خان اچکزئی بھی شریک ہوئے۔
