کراچی: سندھ حکومت کی جانب سے کراچی سمیت سندھ کے مختلف شہروں میں 13 سے 17 سمتبر تک موٹر سائیکل کی ڈبل سواری پر پابندی عائد کر دی ہے۔
تفصیلات کے مطابق اس حوالے سے کراچی سمیت سندھ بھر میں موٹر سائیکل کی ڈبل سواری پر پابندی کا نوٹیفکیشن بھی جاری کردیا گیا ہے۔
نوٹیفیکیشن کے مطابق آئی جی سندھ کی درخواست پر محکمۂ داخلہ سندھ نے پابندی عائد کی ہے۔
نوٹیفکیشن میں کہا گیا ہے کہ کراچی، حیدرآباد، لاڑکانہ اور سکھر میں موٹر سائیکل کی ڈبل سواری پر پابندی عائد ہو گی۔
واضح رہے کہ پاکستان بھر میں عید میلاد النبی ﷺ 17 ستمبر بروز منگل کو منائی جائے گی۔
