ٹنڈو آدم (نمائندہ جسارت) بینظیر انکم سپورٹ کی جانب سے مستحق خواتین کی قسط وصول کرنے والی خواتین کے لیے کھنڈو روڈ پر واقع اسٹیڈیم میں خواتین کے بیٹھنے کے لیے کوئی سہولت فراہم نہیں کی گئی۔ خواتین نے ڈیوائس ہولڈروں پر الزام عائد کرتے ہوئے کہاکہ جیز کیش ڈیوائس ہولڈر ہم سے 1000 سے 1500 فی خاتون وصول کر رہے ہیں، اگر کوئی خاتون دینے سے منع کرتی ہے تو ان خواتین کو پیسے نہیں دیے جاتے اور تذلیل کی جاتی ہے۔ ہم صبح سے یہاں بیٹھے ہیں، لیکن ڈیوائس ہولڈر من مانی کیے ہوئے ہیں، ڈیوائس ہولڈروں نے اپنے نمائندے مقرر کیے ہوئے ہیں۔
