کراچی (اسپورٹس رپورٹر)ایشین ہاکی چیمپئنز ٹرافی 2024 میں پاکستان نے جاپان کو ایک کے مقابلے میں 2 گول سے ہرادیا۔ چین میں ایشین ہاکی چیمپئنز ٹرافی میں پاکستان نے تیسرا میچ جاپان کے خلاف کھیلا، کھیل کے 10ویں منٹ پر ندیم احمد نے پہلا گول کرکے ٹیم کو برتری دلائی ، دوسرے کوارٹر میں سفیان خان نے ایک اور گول کرکے پاکستان کی برتری دگنی کردی۔ لیکن7 منٹ بعد جاپان نے پنالٹی کارنر پر گول کرکے ایک گول کا خسارہ کم کیا ، دونوں ٹیموں نے چوتھے کوارٹر میں گول کرنے کی بھرپور کوشش کی لیکن کوئی ٹیم گول نہ کرسکی۔ ایشین ہاکی چیمپئنز ٹرافی میں پاکستان کی یہ پہلی کامیابی ہے، اس قبل کھیلے گئے دونوں میچ ڈرا ہوگئے تھے۔ پاکستان5 پوائنٹس کے ساتھ پوائنٹس ٹیبل پر دوسرے نمبر پر آگیا۔
