اسلام آباد (آن لائن)عدالت عظمیٰ سے 2 کمپیوٹر سسٹم چوری ہو گئے ہیں جس کا مقدمہ درج کر لیا گیا ہے۔ اس حوالے سے پولیس کا کہنا ہے کہ ڈائریکٹر آئی ٹی عدالت عظمیٰ کی درخواست پر تھانہ سیکرٹریٹ میں مقدمہ درج کیا گیا ہے۔ ایف آئی آر کے متن کے مطابق کمپیوٹرز کو تیسرے فلور کے کمرے میں شفٹ کیا گیا تھا، سینئر ڈپٹی ڈائریکٹر نیٹ ورک نے بتایا کہ 2 نئے کمپیوٹر موجود نہیں ہیں۔ مقدمے کے متن میں کہا گیا ہے کہ نئے کمپیوٹرز میں سی پی یو اور ایل سی ڈی شامل تھی، سی سی ٹی وی میں 2 ملازمین فیصل اور زاہد مشکوک نقل و حرکت کرتے دیکھے گئے۔ ایف آئی آر میں کہا گیا ہے کہ چوری شدہ دونوں کمپیوٹرز کی مالیت 6 لاکھ روپے ہے۔
