ٹھٹھہ (نمائندہ جسارت) پولیس اور کرمنل میں مقابلے کے دوران ایکٹو کریمنل زخمی حالت میں گرفتار۔ تھانہ ٹھٹھہ کی حدود بگھاڑ موری لنک روڈ کے قریب پولیس اور ملزمان میں فائرنگ کے تبادلے میں ایک ملزم کو زخمی حالت میں گرفتار کر لیا گیا۔ گرفتار ملزم کی شناخت عطا محمد عرف عطانی ولد اگاریو گندرو رہائشی بھرانی ولیج ٹھٹھہ کے طور پر ہوئی۔ ابتداعی تفتیش کے مطابق زخمی حالت میں گرفتار ملزم ضلع ٹھٹھہ کے مختلف علاقوں میں ڈکیتی، موٹر سائیکل چھیننے جیسے جرائم کی متعدد وارداتوں میں ملوث ہے، گرفتار ملزم کے قبضے سے پسٹل بھی برآمد ہو اہے، ملزم کا مکمل کریمنل ریکارڈ چیک کیا جا رہا ہے اور کیس کی مزید تفتیش جاری ہے۔ پولیس کی جانب سے جرائم پیشہ افراد اور منشیات فروشوں کے خلاف کریک ڈاؤن جاری رہے گا، پولیس کی کامیاب اور بہترین کارکردگی پر ضلع کے عوام نے ایس ایس پی ڈاکٹر محمد عمران خان اور ان کی بہادر پولیس پارٹی کو خراج تحسین پیش کیا ہے۔
