سکھر (نمائندہ جسارت) ترجمان پولیس کے مطابق تھانہ آباد کی حدود میں میڈیکل اسٹور پر ڈاکو واردات کی کوشش پولیس نے ناکام بنادی، مقابلے دوران 2 ڈاکو ہلاک ہو گئے، پولیس گشت پر اطلاع موصول ہوئی کہ میڈیکل اسٹور پر ڈاکو واردات کر رہے ہیں، جس پر بروقت پولیس پہنچی تو ڈاکوئوں نے دیکھتے ہی فائرنگ شروع کر دی، پولیس کی جوابی کارروائی میں 2 ڈاکو ہلاک ہو گئے، جن کی شناخت غفران عرف غفی ملک اور کاشف علی ملک کے نام سے ہوئی۔ ہلاک ڈاکوئوں کے پاس سے ٹی ٹی پستول اور گولیاں بھی برآمد کی گئی ہیں۔
