سکھر (نمائندہ جسارت) پولیس کی بائجی شریف کی حدود کچے میں جاری ڈاکوئوں کے خلاف آپریشن کے دوران اہم کامیابی، 2 ماہ قبل نسوانی آواز کے جھانسے میں آکر کندھکوٹ کشمور کی حدود غوث پور سے اغوا ہونے والے پنجاب کے ضلع صوابی کا رہائشی شاہ نسیم خان کو باحفاظت بازیاب کرالیا گیا۔ ترجمان پولیس کے مطابق اغواء کار ڈاکو مغوی کو ٹربندی کے علاقے میں ایک سے دوسری جگہ منتقل کر رہے تھے کہ پولیس اور ڈاکوئوں میں فائرنگ کا تبادلہ ہوا۔ کارروائی کے نتیجے میں اغواء کار مغوی کو چھوڑ کر فرار ہوگئے، پولیس نے ملزمان کی گرفتاری کے لیے علاقے کے داخلی و خارجی راستوں کی ناکہ بندی کر دی ہے۔
