کراچی (اسپورٹس رپورٹر) ریجنل انٹر ڈسٹرکٹ سینئر کرکٹ ٹورنامنٹ آج سے ملک کے 6 ریجنز ایبٹ آباد، بہاولپور، حیدرآباد، کراچی، ملتان اور سیالکوٹ میں شروع ہوگا۔دریں اثنا، ٹورنامنٹ 8 ستمبر کو 8ریجنز آزاد جموں و کشمیر ، ڈیرہ مراد جمالی، فاٹا، فیصل آباد، اسلام آباد، لاڑکانہ، پشاور اور کوئٹہ ریجنز میں شروع ہوگا۔ راولپنڈی ریجن اور لاہور ریجن میں انٹر ڈسٹرکٹ سینئر ٹورنامنٹ کے میچز 12 ستمبر سے شروع ہونگے مجموعی طور پر 103ضلعی/ زونل ٹیمیں ملک کے 16ریجنز میں 255 ، 3 روزہ میچز کھیلیں گی جبکہ ٹورنامنٹ میں 1500 سے زائد کھلاڑی حصہ لیں گے۔ یہ ٹورنامنٹ قائداعظم ٹرافی اور قومی ٹی ٹوئنٹی کپ 2024-25کیلیے ٹیلنٹ فراہم کریگا جہاں 16 ریجنز کی 18ٹیمیں ایک دوسرے کا مقابلہ کریں گی۔
