راولپنڈی: پاکستان ٹیسٹ ٹیم کے کپتان شان مسعود نے بنگلادیش کے ہاتھوں سیریز میں تاریخی وائٹ واش پر گہرے افسوس کا اظہار کیا ہے۔
رپورٹ کے مطابق بنگلادیش نے راولپنڈی میں کھیلے گئے دونوں میچز میں قومی ٹیم کو شکست دے کر سیریز 0-2 سے اپنے نام کی، جو کہ پاکستان کی تاریخ میں اپنی ہی سرزمین پر ٹیسٹ سیریز میں شکست کا دوسرا موقع ہے۔
میچ کے بعد گفتگو کرتے ہوئے شان مسعود نے کہا کہ پاکستان نے سیریز کے دوران متعدد غلطیاں کیں اور بنگلادیش نے ہم سے زیادہ ڈسپلن کے ساتھ کرکٹ کھیلی۔
انہوں نے اس بات پر زور دیا کہ ٹیسٹ کرکٹ میں کھلاڑیوں کی فٹنس انتہائی اہم ہوتی ہے، اور اس سیریز میں پاکستان کی ٹیم اس حوالے سے ناکام رہی۔
شان مسعود نے اپنی ٹیم کی کارکردگی پر مایوسی کا اظہار کرتے ہوئے کہا کہ شکست کا یہ تجربہ بہت تلخ ہے اور مستقبل میں اس سے سبق سیکھنے کی ضرورت ہے۔
