حال ہی میں سوشل میڈیا پر عالمی شہرت یافتہ فٹبالر کرسٹیانو رونالڈو کی ایک تصویر وائرل ہوئی جس میں انہیں پاکستان تحریک انصاف (پی ٹی آئی) کے بانی عمران خان کی تصویر والی شرٹ پہنے ہوئے دکھایا گیا۔
رپورٹ کے مطابق اس تصویر میں شرٹ پر “Kaptaan We Love You” بھی لکھا تھا، جس سے رونالڈو کی عمران خان کے ساتھ محبت ظاہر ہوتی تھی۔
یہ تصویر 31 اگست کو چوہدری شہزاد گل نامی ایکس صارف نے پوسٹ کی، جو اپنی پچھلی پوسٹس کی بنیاد پر پی ٹی آئی کا حامی نظر آتا ہے۔
پوسٹ کے کیپشن میں لکھا گیا تھا، “او پٹواریو یہ کیا ہوا؟ دنیا میں سب سے زیادہ فین فالونگ رکھنے والا تو خود مرشد عمران خان کا فین نکلا۔۔۔ اور ڈفرز اس کے مقابلے میں اس دو ٹکے کے گوالمنڈیلا اور زرداری کو کھڑا رکھنے کے لیے دن رات محنت کر رہے ہیں۔”
تاہم حال ہی میں اس وائرل تصویر کی حقیقت سامنے آئی ہے۔
تصدیق کے مطابق AI کی مدد سے بنائی گئی یہ تصویر جعلی ہے اور رونالڈو نے کبھی بھی عمران خان کی تصویر والی شرٹ نہیں پہنی۔ اس تصویر کو گمراہ کن مقاصد کے لیے تیار کیا گیا تھا تاکہ سوشل میڈیا پر مختلف ردعمل پیدا کیا جا سکے۔
اس طرح کی جعلی معلومات اور تصاویر کے ذریعے عوام کو گمراہ کرنے کی کوششوں کے خلاف آگاہی بڑھانا ضروری ہے۔
