حیدرآباد (اسٹاف رپورٹر) دادو کے علاقے گوٹھ الہ داد کھوسو کے رہائشی محمد حسن کھوسو نے حیدرآباد پریس کلب میں پریس کانفرنس کرتے ہوئے کہا ہے کہ وہ کسان کا بیٹا ہے اور محنت سے پڑھا ہے لیکن نوکری نہیں دی گئی۔ انہوں نے کہا کہ 2004ء میں سندھ پبلک سروس کمیشن کا امتحان پاس کیا لیکن تاحال ملازمت نہیں ملی۔ انہوں نے کہا کہ نجی تعلیمی ادارے میں 10 سال کام کیا اور 2007ء میں لیکچرار کا امتحان پاس کیا، لیکن اپنا نوازی اور مبینہ طور پر پیسوں کے عوض نوکریاں فروکت کر دی گئیں، حالیہ لیکچرار کا ٹیسٹ دیا لیکن اس میں فیل کرکے حق تلفی کی گئی او ر من پسند افراد کو ملازمتیں دی جارہی ہیں۔ انہوںنے حکام سے اپیل کی نوٹس لے کر انصاف فراہم کرتے ہوئے مجھ سمیت دیگر غیر سفارشی غریب اُمیدواروں کو ملازمت دی جائے ۔
