سکھر (نمائندہ جسارت) پریس کلب کے نمائندہ وفد نے پریس کلب کے صدر آصف ظہیر خان لودھی کی سربراھی میں سکھر چیمبر آف کامرس کے سالانہ انتخابات کا جائزہ لینے کے لیے دورہ کیا۔ چیمبر آف کامرس اینڈ انڈسٹری کے صدر بلال وقار خان نے خیرمقدم کیا، وفد نے چیف الیکشن کمشنر انوار جعفری سمیت انتخابی، پولنگ عملے سے ملاقات کی اور پولنگ کے عمل کو دیکھا اور اطمینان کا اظہار کیا۔ بعد ازاں چیمبر کے صدر بلال وقار خان نے پریس کلب کے صحافیوں کو ووٹرز، اُمیدواران سمیت تمام انتخابی عمل کے8 حوالے سے تفصیلی بریفنگ دی۔ وفد میں یونین آف جرنلسٹس، فوٹو جرنلسٹس ایسوسی ایشن کے ممبران، عہدیداران شامل تھے۔
