پی ٹی آئی کا15ستمبرکو لاہور کا جلسہ مؤخر کرنے کا اعلان

اسلام آباد (صباح نیوز)پاکستان تحریک انصاف نے 12 ربیع الاول کے باعث لاہور کا جلسہ موخر کرنے کا اعلان کر دیا ۔ کور کمیٹی اجلاس کے اعلامیے کے مطابق تحریک انصاف اب15 کے بجائے22 ستمبر کو لاہور میں میدان سجائے گی جبکہ8 ستمبر کو اسلام آباد میں جلسہ ہو گا۔ اجلاس کے شرکا نے بانی پی ٹی آئی سے جیل انتظامیہ کے رویے پر تحفظات کا اظہار کیا۔ جبکہ
آکسفورڈ یونیورسٹی کے چانسلر کیلئے بطور امیدوار بانی چیئرمین کے فیصلے کو سراہا گیا۔ کور کمیٹی نے آئین سے متصادم بل کی مخالفت کا فیصلہ کرتے ہوئے کہا ہے کہ حکومت کی طرف سے قومی اسمبلی میں پیش کیا جانے والا کوئی بھی ایسا بل جو آئین سے متصادم ہو یا جس سے عدلیہ کی آزادی متاثر ہوتی ہو اسے عدالت میں چیلنج جائے گا۔ اجلاس میں یہ بھی طے کیا گیا کہ اسلام آباد سمیت مختلف شہروں میں ربیع الاول کی مناسبت سے تقاریب کا انعقاد کیا جائے گا۔