سکھر (نمائندہ جسارت) جمعیت طلبہ عربیہ حلقہ حسن البنا شہید تفہیم القرآن سکھر کے تحت شب بیداری کا انعقاد کیا گیا جس کا موضوع فکر آخرت تھا، اس موقع پر مولانا عبد العزیز تنیو خصوصی شرکت و خطاب کیا ،برادر حبیب اللہ بھوڑ امین جمعیت طلبہ عربیہ سکھر برادر قویل احمد ناظم بزم قرآن ضلع سکھر منتظم حلقہ حسن البنا شہید برادر عبدالطیف بگٹی بھی موجود تھے۔علاوہ ازیں جمعیت طلبہ عربیہ سکھر کی طرف سے اسٹیڈی سرکل برائے ارکان و رفقا۔ بموضوع “کتاب دینیات” رکھا گیا۔ جس میں مہمان خصوصی برادر حافظ ابودردا مہر تھے، صدارت برادر عبدالطیف بگٹی (منتظم) حلقہ حسن البناشہید تفہیم القرآن سکھر نے کی، ارکان و رفقا نے پہلے اپنے اپنے صفحات کا سرکل میں مطالعہ و خلاصہ تیار کیا۔ بعد از مطالعہ برادر حافظ ابودردا مہر نے کتاب دینیات کے متعلق لیکچرر دیا، خصوصی شرکت برادر حبیب اللہ پھوڑ امین ضلع ) اور اس موقع پر برادر قویل احمد ناظم بزم قرآن سکھر برادر عبدالحکیم لاشاری امین حلقہ بھی موجود تھے۔
