کراچی(کامرس رپورٹر)تین روزہ انٹر ٹیکسٹائل شنگھائی اپیرل فیبرکس شنگھائی، چین میںشروع ہوگئی،نمائش کا آغاز منگل27اگست سے ہوا اور یہ نمائش نیشنل ایگزی بیشن اور کنونشن سینٹر (شنگھائی) میں 29اگست تک جاری رہے گی۔پاکستان کے قونصل جنرل شہزاد احمد خان نے چین میں آئی ٹی ایس اے اور یارن ایکسپو کے خزاں کے ایڈیشن کا دورہ کیا۔آئی ٹی ایس اے اور یارن ایکسپو، جو دنیا کی سب سے بڑی اور معروف اپیرل فیبرکس اور یارن نمائش ہے، شنگھائی، چین میں شاندار آغاز کے ساتھ شروع ہوئی ہے ۔ اس سال کی ایڈیشن ایک اہم سنگ میل کی علامت ہے، جو تین دہائیوں کے دوران صنعت کے پیشہ ور افراد کو ایک جگہ پر لانے اور ٹیکسٹائل سیکٹر کی تازہ ترین اختراعات کو پیش کرنے کی علامت ہے۔ پاکستان کے 16 نمائش کنندگان، جو براہ راست اور ٹریڈ ڈیولپمنٹ اتھارٹی آف پاکستان (ٹڈاپ) کے ذریعے شرکت کر رہے ہیں، فعال طور پر مصنوعات جیسے کہ کپاس، ڈینم، یارنز، اور بہت کچھ کی نمائش کر رہے ہیں۔ پاکستان کے ٹیکسٹائل مینوفیکچررز اور سپلائرز کوہ نور، محمود ٹیکسٹائل، گلوبل ٹیکسٹائل، ڈائمنڈ فیبرکس، ریلائنس ویونگ، یارانا ٹیکسٹائل،اوردیگرعالمی خریداروں کی خاص دلچسپی حاصل کر رہے ہیں ۔
