مودی کاپولینڈ سے بھارت واپسی پر پاکستانی فضائی حدود استعمال کرنیکا انکشاف

اسلام آباد(آن لائن)بھارتی وزیرِ اعظم نریندر مودی کے طیارے نے پاکستان کی فضائی حدود استعمال کی۔سول ایوی ایشن ذرائع کے مطابق نریندر مودی پولینڈ سے دلی جا رہے تھے، طیارہ صبح سوا 10 بجے پاکستان کی حدود میں داخل ہوا اور 11 بج کر ایک منٹ پر بھارت میں داخل ہوا۔ذرائع کا کہنا ہے کہ بھارتی وزیرِ اعظم طیارہ چترال کے اوپر سے پاکستان کی حدود میں داخل ہوا اور 46 منٹ تک پاکستان کی حدود میں رہا۔طیارہ اسلام آباد اور لاہور کے ایئر کنٹرول ایریا سے گزرا، لاہور سے ہوتا ہوا امرتسر میں داخل ہوا۔۔ذرائع سول ایوی ایشن کے مطابق بھارتی وزیراعظم نے روایت کے برعکس پاکستانی عوام اور حکومت کو خیرسگالی کا پیغام نہیں دیا۔ذرائع کا کہنا ہے کہ کسی دوسرے ملک کی فضائی حدود سے گزرتے ہوئے
غیر ملکی سربراہ کا خیرسگالی کا پیغام دینا روایت ہے، غیرملکی سربراہ دوران پرواز خیرسگالی کے پیغامات پائلٹ کے ذریعے ائیرٹریفک کنٹرولر کو بھیجتے ہیں۔