کراچی (نمائندہ جسارت) سوئی سدرن گیس کمپنی کا کراچی کے مختلف علاقوں میں گیس کی فراہمی معطل کرنے کا اعلان۔ آج صبح 5 بجے سے کل صبح 5 بجے تک بڑے حصے کو گیس کی فراہمی بند رہے گی۔ سوئی گیس کمپنی کے مطابق آج31 کلومیٹر گیس پائپ لائن کو سسٹم سے جوڑا جائے گا، جس کی وجہ سے کراچی کے بڑے حصے کو گیس کی فراہمی بند رہے گی۔ کمپنی کے مطابق سرجانی ٹاؤن، نارتھ کراچی کے تمام سیکٹر، منگھوپیر، قصبہ کالونی، اورنگی، نارتھ ناظم آباد کے تمام بلاکس، ایف بی ایریا، گلبرگ، بفرزون، سائٹ انڈسڑیل ایریا، بلدیہ، ماڑی پور، معمار، احسن آباد اور سائٹ سپر ہائی وے سمیت اطراف کے علاقوں میں گیس کی فراہمی معطل رہے گی۔
