کراچی (اسٹاف رپورٹر)سندھ کے سینئر وزیر ٹرانسپوٹ،اطلاعات اور ایکسائز شرجیل انعام میمن کی ہدایت پر مسافروں کو مفت شٹل وینز سروس کے ذریعے کراچی بس ٹرمینل (KBT ) منتقل کرنے کا آج سے آغاز کردیا گیا ہے۔ یہ شٹل سروس جو مسافروں کو صغیر حسین شہید روڈ (صدر)، ایم اے جناح روڈ (تاج کمپلکس/لائنز ایریا)، کینٹ اسٹیشن اور الکرم اسکوائرسے کراچی بس ٹرمینل پہنچائے گی۔ سندھ حکومت نے فیصلہ کیا ہے کہ انٹرسٹی اور بین الصوبائی بس پوائنٹس کو فوری طور پر شہر کی حدود سے سہراب گوٹھ منتقل کیا جائے گا۔
