لاہور: پاکستان ویمن کرکٹ ٹیم کی کپتان ندا ڈار کو کپتانی سے ہٹا دیا گیا۔
ذرائع کے مطابق پاکستان کرکٹ بورڈ ( پی سی بی) نے ویمن کرکٹ ٹیم کے حوالے سے بڑا فیصلہ کرتے ہوئے پاکستان ویمن کرکٹ ٹیم کی کپتان ندا ڈار کو قومی ٹیم کی قیادت سے ہٹا دیا ہے۔
ذرائع کا کہا ہے کہ ندا ڈار کو ہٹانے کے بعد فاطمہ ثنا کو ورلڈ کپ کے لئے قومی ویمن ٹیم کا کپتان مقرر کیا جائے گا ۔پی سی بی ڈائریکٹر انٹرنیشنل عثمان واہلہ نے ندا ڈار سے رابطہ کیا اور انہیں اس حوالے سے آگاہ کر دیا گیا ہے۔
ذرائع کے مطابق عثمان واہلہ کا رابطے کے دوران ندا ڈار سے کہنا تھا کہ آپ کو کپتانی سے ہٹایا جارہا ہے اور فاطمہ ثنا کپتان ہونگی ۔انہوں نے کہا کہ ایشیا کپ میں ناقص پرفارمنس پر کپتان تبدیل کرنے کا فیصلہ کیا گیا ہے اور اب آپ قومی ٹیم کا حصہ ہونگی ۔ذرائع کا مزید کہنا تھا کہ پاکستان ویمن ٹیم کی نئی کپتان کا اعلان جلد کئے جانے کا امکان ہے۔
