کٹھ منڈو (انٹرنیشنل ڈیسک) بھارت سے 40 مسافروں کو لے کر نیپال پہنچنے والی بس دریائے مرسیانگدی میں گر گئی۔خبررساں اداروں کے مطابق مسافر بس پوکھرا سے نیپال کے دارالحکومت کٹھ منڈو کے لیے روانہ ہوئی تھی ۔ حادثے کے بعد نیپال کی فوج اور ریسکیو اداروں نے امدادی کاموں کا آغاز کردیا اور 14 لاشیں نکال لی گئیں۔ امدادی کاموں کے دوران 17 زخمی مسافروں کو قریبی اسپتال منتقل کیا گیا جہاں 4 زخمیوں کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ 10 مسافر حادثے میں محفوظ رہے۔
