لاہور: حضرت داتا گنج بخش کے عرس کی مناسبت سے 26 اگست کو لاہورکے اسکولوں میں تعطیل کا اعلان کردیا گیا۔
میڈیا رپورٹس کے مطابق پنجاب حکومت نے حضرت داتا گنج بخش کے عرس پرلاہور کے اسکولوں کی تعطیل کا اعلان کرتے ہوئے باقاعدہ نوٹی فکیشن جاری کیا ہے، جس میں کہا گیا ہے کہ پیر کے روز لاہور کے تمام نجی و سرکاری اسکولوں میں تعطیل ہوگی۔
خیال رہے کہ برصغیر کے معروف صوفی بزرگ حضرت علی بن عثمان الہجویری المعروف حضرت داتا گنج بخش کے 981 ویں سالانہ عرس کی 3 روزہ تقریبات کل سے شروع ہوں گی۔
