لاڑکانہ(نمائندہ جسارت) لاڑکانہ پولیس نے مبینہ مقابلے میں ملزم کو زخمی حالت میں گرفتار کرکے اسلحہ اور چھینی گئی موٹرسائیکل برآمد کرنے کا دعویٰ کیا ہے۔ اس حوالے سے ایس ایس پی لاڑکانہ میر روحل خان کھوسو نے بتایا کہ تھانہ تعلقہ کی حدود قمبر بائی پاس والے علاقے میں جرائم کے ارادے سے کھڑے ملزمان اور پولیس کے درمیان فائرنگ کا تبادلہ ہوا جس میں پولیس نے ایک ملزم زخمی حالت میں اسلحہ اور چھینی گئی موٹرسائیکل سمیت گرفتار کرلیا ہے۔
