سکھر اور ٹنڈومحمد خان میں انتقال کی خبریں

سکھر (نمائندہ جسارت) پیپلز پارٹی کے سینئر رہنماء، میونسپل جئے شاہ ٹاؤن کے چیئرمین آغا افتخار عرف محسن انتقال کر گئے، مرحوم کی نمازِ جنازہ اور تدفین اُن کے آبائی گاؤں سلطان کوٹ، شکارپور میں ادا کی گئی جس میں صدرِ ایوان بلال وقار خان، سابق صدور محمد دین، عامر علی خان غوری و دیگر اراکینِ ایوان اور مختلف مکتبہ فکر کے افراد کی کثیر تعداد نے شرکت کی، بعد ازاں مرحوم کو آہوں اور سسکیوں میں مقامی قبرستان میں سپردِ خاک کیا گیا۔
ٹنڈو محمد خان (نمائندہ جسارت) شہید محترمہ بینظیر بھٹو کے قریبی ساتھی، سابق ایم پی اے و سابق ضلعی صدر حاجی امین لاکھو کافی عرصے علیل رہنے کے بعد انتقال کر گئے۔ اُن کی نمازِ جنازہ گاؤں حسین خان ٹھورو میں ادا اور تدفین مقامی قبرستان میں کی گئی جس میں سینیٹر عاجز دھامراہ، ایم پی اے سید اعجاز شاہ بخاری، سابق ایم پی اے نواز چانڈیو، سید ذیشان شاہ، وزیر اعلیٰ کے مشیر سید قاسم نوید قمر، پیپلز پارٹی کی مقامی قیادت، پارٹی کارکنان سمیت شہریوں نے بڑی تعداد میں شرکت کی۔