لاہور (نمائندہ جسارت) وزیرِ اعلیٰ پنجاب مریم نواز نے کہا ہے کہ میں جیل میں رہی، مقدمات بھی بھگتے، میری آنکھوں میں آنسو نہیں آئے، ہمت اور بہادری سے نامساعد حالات کا ڈٹ کر مقابلہ کیا، میرے جیسے انسان کو رْلانا کوئی آسان کام نہیں۔ ان خیالات کا اظہار انہوں نے ایوانِ وزیر اعلیٰ میں پوزیشن ہولڈرز کے اعزاز میں منعقدہ تقریب سے خطاب کرتے ہوئے کیا۔ انہوں نے کہا کہ آج طلبہ اور والدین کے لیے بڑا دن ہے، تمام پوزیشن ہولڈرز طلبہ کو مبارک باد دیتی ہوں، آپ کی کامیابی پر آپ کے والدین، اساتذہ کو مبارکباد دیتی ہوں۔ انہوں نے کہا کہ پنجاب میں تعلیم کے وزیر میرٹ پر لگائے ہیں۔
