گلگت بلتستان میںگلیشیئر پگھلنے سے لینڈ سلائیڈنگ ہوئی

اسلام آباد ( نمائندہ جسارت)گلگت بلتستان کے ضلع غذر کے گائوں بدسوات ایمت میں گلیشیئر پگھلنے سے لینڈ سلائیڈنگ ہوئی ہے۔ڈی سی غذرحبیب الرحمٰن کے مطابق گائوں بدسوات ایمت میں لینڈ سلائیڈنگ کے باعث کئی علاقوں کا زمینی رابطہ منقطع ہو گیا۔انہوں
نے بتایا کہ بروتھ، بازار کٹو، کالونی کائی سمیت کئی علاقوں کا زمینی رابطہ گزشتہ رات سے منقطع ہے۔ڈی سی غذرحبیب الرحمٰن کا کہنا تھا کہ راستے بحال کرنے کے لیے محکمہ ورکس کی ٹیم متاثرہ علاقے میںروانہ کر دی گئی ہے۔