پاکستان ائرپورٹس اتھارٹی نے ’’لوگو‘‘ بنانے کیلیے تجاویز مانگ لیں

کراچی(اسٹاف رپورٹر)پاکستان ائیرپورٹس اتھارٹی نے لوگو ڈیزائن کرنے کیلیے تجاویز مانگ لیں۔ ائرپورٹس اتھارٹی نے کہا ہے کہ تمام ملازمین نئے لوگو کو ڈیزائن کرنے میں اپنی تجاویز دیں۔ تمام ڈائریکٹر ز اور ایڈیشنل ڈائریکٹرز کو اس عمل میں ملازمین کی زیادہ سے زیادہ شرکت یقینی بنانے کی ہدایت کی گئی ہے۔ اگست کی 22 تاریخ تک موصول ہونے والی تجاویز اور معلومات کو مکمل جانچ کے بعد حتمی شکل دینے کیلیے کونسل میں پیش کیا جائے گا۔