پشاور( صباح نیوز) پشاور میں ورسک روڈ پر دھماکے میں2 پولیس اہلکاروں سمیت5 افراد زخمی ہوگئے۔ ایس پی ارشد خان کے مطابق بارودی مواد سیمنٹ بلاک میں نصب کیا گیا تھا، پولیس موبائل کے گزرنے پر دھماکا ہوا‘ جس سے موبائل کو نقصان پہنچا۔ ایس پی ورسک کا بتانا ہے کہ سڑک پر ہونے والے دھماکے میں5 افراد زخمی ہوئے جن میں2 پولیس اہلکار بھی شامل ہیں، زخمیوں کو فوری طبی امداد کے لیے اسپتا ل منتقل کردیا گیا۔ پولیس کے مطابق مطابق ریموٹ کنٹرولڈ دھماکے میں5 کلوبارود استعمال کیا گیا۔
