اسلام آباد (نمائندہ خصوصی) پاکستان شاہینز اور بنگلا دیش اے کے درمیان پہلا 4 روزہ میچ بغیر کسی نتیجہ کے ڈرا ہو گیا۔ میچ کے چوتھے اور آخری دن بنگلا دیش اے نے اپنی دوسری اننگز میں 5وکٹوں پر 153رنز بنائے تھے کہ کم روشنی کے سبب کھیل روک دیا گیا ، جس کے بعد کھیل ختم کرنے کا فیصلہ کیا گیا اس سے قبل پاکستان شاہینز نے اپنی پہلی اننگز 367 رنز 4کھلاڑی آئوٹ پر ڈکلیئر کر دی تھی اس طرح اسے مہمان ٹیم پر 245رنز کی برتری حاصل ہوگئی تھی یاد رہے کہ میچ کے تیسرے دن بارش اور گیلی آئوٹ فیلڈ کی وجہ سے کھیل ممکن نہیں ہو سکا تھا اسلام آباد کلب میں میچ کے چوتھے اور آخری دن بنگلا دیش اے نے اپنی دوسری اننگز شروع کی تو اسے 57اوورز بیٹنگ کے لیے ملے تھے تاہم صرف 39.2 اوورز کا کھیل ممکن ہو سکا بنگلا دیش اے کی طرف سے نعیم حسن نے 55رنز اسکور کیے ذاکر حسن نے 33 رنز بنائے میر حمزہ اور محمد علی نے 2,2 وکٹیں حاصل کیں دونوں ٹیموں کے درمیان دوسرا چار روزہ میچ اسلام آباد کلب میں 20 سے 23 اگست تک کھیلا جائے گا۔
