لاڑکانہ (نمائندہ جسارت) ایس ایس پی میر روحل خان کھوسو کی ہدایت و احکامات کے مطابق پولیس کی جرائم پیشہ افراد کے خلاف کارروائیاں جاری، مختلف علاقوں سے 7 ملزمان گرفتار، اسلحہ اور چرس برآمد۔ تفصیلات کے مطابق ایس ڈی پی او ڈوکری عبدالغفور چھٹو نے مظہر چاکی مرڈر کیس میں ملوث ملزم بہورل کلہوڑو رہائشی ضلع نوشہرو فیروز کو گرفتار کر لیا، ملزم کے خلاف تھانہ فتح پور میں مقدمہ درج ہے۔ ایس ایچ او تھانہ ولید سب انسپکٹر اشفاق احمد شر نے نیو بس ٹرمینل والے علاقے میں کامیاب کارروائی کرتے ہوئے 4 منشیات فروش ملزمان کو رنگے ہاتھوں 2 کلو سے زائد چرس اور 4 کلو بھنگ سمیت گرفتار کر کے پولیس مدعیت میں مقدمہ درج کر لیا۔ ایس ایچ او تعلقہ انسپکٹر عبدالرزاق ٹگڑ نے وگن روڈ والے علاقے سے منشیات فروش ملزم سکندر کھکھرانی کو ایک کلو سے زائد چرس سمیت گرفتار کر کے پولیس مدعیت میں مقدمہ درج کرلیا۔ ایس ایچ او دھامراہ سب انسپکٹر شاہجہان برڑو نے ہالیپوٹہ شاخ والے علاقے سے مطلوب ملزم وقار کھوکھر کو بغیر لائسنس پسٹل اور گولیوں سمیت گرفتار کر کے سندھ آرمس ایکٹ کے تحت پولیس مدعیت میں مقدمہ درج کرلیا، گرفتار ملزمان سے تفتیش سمیت مزید قانونی و ضابطے کی کارروائیاں جاری ہیں۔
