کراچی(اسٹاف رپورٹر)پاکستان کی فارما صنعت میں سب سے بڑی نمائش 21 ویں فارما ایشیا 20-22 اگست، 2024 تک کراچی ایکسپو سینٹر میں منعقد ہوگی۔ ای کامرس گیٹ وے کے زیر اہتمام منعقدہ اس نمائش میں 200 سے زائد کمپنیاں750 بوتھس پر اپنی جدید ترین مصنوعات اور ٹیکنالوجیزاور خدمات کی نمائش کریں گی۔ چین کے ایک بڑے پویلین سمیت 15 ممالک کے مندوبین اور نمائش کنندگان کے ساتھ، فارما ایشیا بین الاقوامی تعاون اور کاروباری ترقی کیلیے بے مثال مواقع فراہم کرے گا، پہلے دن سے شروع ہونے والے کنونشن میں ممتاز مقررین اور فکری قائدین شرکت کریں گے۔
