راولپنڈی:آرمی چیف جنرل سید عاصم منیر کی جانب سے قومی ہیرو ارشد ندیم کے اعزاز میں خصوصی تقریب کل ہوگی۔
خبر رساں ایجنسی کے مطابق اولمپکس میں گولڈ میڈل جیت کر لانے والے ارشد ندیم کے اعزاز میں آرمی چیف جنرل سید عاصم منیر کی جانب سے کل جی ایچ کیو میں خصوصی تقریب ہوگی، جس میں ارشد ندیم کے اہل خانہ بھی مدعو کیے گئے ہیں۔
تقریب کے انعقاد کا مقصد ارشد ندیم کی وطن کے لیے صلاحیتوں کا اعتراف اور ان کی حوصلہ افزائی کرنا ہے۔
