جماعت اسلامی کراچی کے تحت آج شب آزادی، کل پرچم کشائی ہو گی

کراچی (اسٹاف رپورٹر)جماعت اسلامی کے تحت وطن عزیز مملکت خدادداد ِپاکستان کا 77واں یوم آزادی بھرپور قومی و ملی جذبے اور عزم ِنو کے ساتھ منایا جائے گا۔ اس سلسلے میںآج شب 11 بجے فیڈرل بی ایریا، واٹر پمپ چورنگی پر عظیم الشان ’’شب آزادی‘‘کی
تقریب منعقد ہو گی جس سے امیر جماعت اسلامی کراچی منعم ظفر خان خصوصی خطاب کریں گے جبکہ کل بروزبدھ 14 اگست کو11 بجے صبح ادارہ نور حق میں ’’پرچم کشائی ‘‘کی تقریب منعقد ہو گی ۔منعم ظفر خان دیگر رہنماؤں کے ساتھ قومی پرچم لہرائیں گے۔ منعم ظفر خان 14 اگست کی رات کو 8 بجے گلشن جمال میں منعقدہ’’ یوم آزادی‘‘ کی تقریب میں شرکت اور خطاب کریں گے۔علاوہ ازیں منعم ظفر خان آج 10:30بجے شب ناظم آباد ٹائون میونسپل کارپوریشن کے تحت اے او کلینک سے متصل پارک کا افتتاح بھی کریں گے ۔