کوئٹہ، خضدار اور تربت میں بم دھماکے

کوئٹہ(مانیٹر نگ ڈ یسک ) کوئٹہ ،تربت ،خضدار میں تین دھماکوں میں ایک راہ گیر سمیت 4 افراد زخمی ہوگئے۔پولیس کے مطابق کوئٹہ میں گوالمنڈی تھانے کے گیٹ پر بم پھینکا گیا جس کے پھٹنے سے ایک پولیس اہلکار اور ایک راہگیر زخمی ہوگیا۔سیکورٹی ذرائع کے مطابق تربت میں سیکورٹی فورسز کے کیمپ پر راکٹ فائر کیا گیا جس کے نتیجے میں دو اہلکار زخمی ہوگئے۔علاوہ ازیں سیکورٹی ذرائع کا کہنا ہے کہ خضدار کے علاقے بازگیر میں سیکورٹی فورسز کے کیمپ پر ہینڈ گرینیڈ سے حملہ کیا گیا مگر اس حملے میں کوئی جانی نقصان نہیں ہوا۔